Факультеттің тәрбиелік жұмысы

 

Тәрбиелік жұмыс жоспарына сәйкес іс-шаралар 6 бағыт бойынша өткізіледі:

1. Патриоттық тәрбие;

2. Құқықтық тәрбие;

3. Спорттық-сауықтыру тәрбие;

4. Рухани-эстетикалық тәрбие;

5. Экология-өлкетанушылық тәрбие

6. Еңбек тәрбиесі.

Ағымдағы оқу жылы тәрбие жұмысының жоспарына сәйкес 2017 жылдың  қазан айында С. Торағыров атындағы ПМУ ішкі тәртіп ережесін сақтауды түсіндіру мақсатында шетелдік тыңдаушылармен кездесу ұйымдастырылды; 2018 жылдың ақпан айында ІІД Көші қон полициясы басқармасының өкілі Павлодар облысы көші қон полициясының инспекторы Л.К. Шакарова мен университет ректорының тәртіп жөніндегі көмекшісі Б.С. Әмреновтың қатысуымен «Қазақстан Республикасында шетелдіктердің тұруы және білім алуы» тақырыбында әңгіме өрбіді.  

2018 жылдың сәуірінде Павлодар облысы «Дүниежүзі қазақтары қауымдастығы» филиалының бастығы З. Болатпен кездесу болды. Және де Павлодар облысы білім беру басқармасының, денсаулық сақтау басқармасының,  ІІД көші қон полициясының өкілдерімен жүздесті.   

Павлодар қаласы дене тәрбиесі және спорт бөлімінің қолдауымен Павлодар облысы «Дүниежүзі қазақтары қауымдастығы» филиалы «Foundation» факультеті мен Павлодар мемлекеттік педагогикалық университеті тыңдаушылары арасында баскетболдан турнир ұйымдастырып, біздің қыздар командасы бірінші орынды иеленді.  Сондай-ақ екі университет арасындағы достық қарым-қатынасты нығайту мақсатында «Дарындыға дархан жол» зияткерлік ойыны болды.  

Шетел азаматтары мен шетелдік қазақ диаспорасы өкілдеріне арналған даярлық бөлімінің тыңдаушылары университеттің қоғамдық жұмыстарына белсене қатысады. 20-дай тыңдаушы спорттық секциялар мен студенттік филармонияның көркемөнерпаздар үйірмелеріне қатысады. Хумарбек Есен, Адилбек Нұрсерік вокалмен айналысатын болса, Геменғазы Сержан Ресей Федерациясы, Монғолия, Қазақстан Республикасы жоғары оқу орындары арасында өткізілген IХ ашық турнирде екінші орынды (сәуір, 2018), Т.К. Шаяхметовке  арналған Х турнирде бокстан үшінші орынды қаңжығалады (мамыр, 2018).